لا انا ميت ولا عايش
ولا عاقل ولا مجنون
ولاطيب ولا ملاوع
ولاطاير ولا مسجون
ولا عاشق
ولا عايش وحيد فى الكون
ولا رافض ولا قابل
ولا ظالم ولا عادل
ولا قاتل ولا مقتول
انا انسان
وابسط مما تتخيل
واكتر شئ بيجرحنى
تكون الدنيا رميانى
فى اخر قايمة الاموات
وقلبى لسه بينادى الامل والنور
ولسه الفجر بيشقشق وبيخبط على بابى
وفاضل من حياتى جدور
بتعشق طينة الدنيا
وفاضل من كتابى سطور
ورافض انى اكون مطحون
فى رحاية الزمن والناس
واكون منداس
او ابقى زى ناس تانيين
وعايش عمرى بين البين
وحاسس ان انا بقلبين
عايش فى الحياه مره
وساعة الموت هاموت نوبتين
م/ق
الأحد سبتمبر 26, 2010 6:14 am من طرف 
